Hármetalhornið #2

Bandaríska hljómsveitin Dokken er aðeins minna over the top en kollegar þeirra í Tigertailz. Hármetall eru þeir nú samt og eins og sjá má á meðfylgjandi mynd virtust þeir ekki víla fyrir sér að ganga í magabolum með blásið hár.

Eins og Tigertailz, eru Dokken ennþá starfandi, en það er fátt sem getur komið gömlum hármetalhundum í helgan stein.

Dokken-lagið sem fékk að hljóma í hármetalhorninu í þætti 2 var sennilega þeirra þekktasta lag. Ber það nafnið Dream Warriors og fékk pláss í þriðju myndinni um Freddy Krueger, en myndin heitir einmitt A Nightmare on Elm Street 3: Dream Warriors.

Í meðfylgjandi myndbandi má sjá óttaslegna Patriciu Arquette á flótta undan Freddy, og rekst hún á ýmsar kynjaskepnur, þ.á.m. gítarleikara Dokken sem stekkur út úr vegg og tekur brjálað gítarsóló á hauskúpugítar! Stórskemmtilegt alveg.

Dokken - Dream Warriors

Athugasemdir

[Jens Guð, 20.7.2007 kl. 23:23]

  Hvað eruð þið að púkka upp á hármetalið?  Þetta er vonda deildin í þungarokkinu.  Jú,  jú,  það má brosa að þessu.  Ágætt sem brandari. 

[Morðingjaútvarpið, 21.7.2007 kl. 01:48]

Haha já, ekki besta stund þungarokksins......en stöku slagari inn á milli.
Þar að auki eru myndböndin tímalaust gull

[Ómar Eyþórsson, 21.7.2007 kl. 10:02]

Klárlega ein besta stund rokksins!! Ég var grínlaust hárrokkari 6 ára gamall þóekki hafi ég málað mig. En hárið var á sínum stað.......

[Morðingjaútvarpið, 22.7.2007 kl. 02:17]

Áttu myndir af þessu?

Á bloggið með það.....einn tveir og þrír!