Hármetalhornið #6

Hljómsveitin Shy frá Englandi er trúlega eina hármetalbandið sem var frontað af albínóa. Lítið er vitað um þessa sveit. Þeir fóru í tónleikaferðalag með Manowar, og var sparkað af túrnum. Manowar vildu meina að þeir hefðu verið of lélegir, en liðsmenn Shy voru fullvissir um það að Manowar fyndist þeim standa ógn af hármetal-albínóanum og félögum hans.

Lagið sem fékk að hljóma í Morðingjaútvarpinu heitir Break Down the Walls, og það var enginn annar en Don Dokken sem hjálpaði þeim að semja slagarann, en Don Dokken var að sjálfsögðu aðalmaðurinn í Dokken, þeirri ágætu sveit.

Og viti menn.....Shy eru ennþá starfandi!